,,Op z'n Flakkees gezeit..."

Ik kwamme van de weeke bie een vrouwe, in die had het over die stikjes in Eilanden Nieuws. Ik zegge, die lees ik oak altied. Ik

Ik zegge, die lees ik oak altied. Ik vinne ze wel aerdig. Ze zeit: Joe ken oak wel es wat schrieve over Nieuwe Tonge, want daer van die kante hoar je noait niks.

Noe 'k zegge: dat za gloaf ik niet veul worre, zo wies bin ik niet.

Mar ze zeit, dat ke'joe best. Prebeert dat noe es.

Offijn, zeg ik, 'k za'wel es kieke. In jae oor, hier bin ik dan mit mun verhaeltje.

Je mot wete, dat ik vroeger oak niet zo'n braeve jongen was as het op je deugnieterie op an kwam. In noe gaet het dan beginne oor, dat verhaeltje dan bedoel ik.

We wazze dan 's aevens op durp, m'n kammeroad in ik. In m'n zeije zo tegen mekoare, is ter niks te doewen van aevend? Jae, zei m'n kammeroad, ik wete der

Jae, zei m'n kammeroad, ik wete der van êên, die mot van aevend daer in daer op de sukeloademelk. Daer konne m'n welles gae kieke.

Dus om een uur of achte daer op an. Sind was der nog een moat bie gekomme, m'n wazze zo mit z'n drieën. In dien lesten was hêêlemaele niet benauwd uutgevalle. Die kroop overal in in deur, want hie was mar een klein ventje. Ik bin oak niet groat, mar hie was nog kleiner. Offijn, wiele daer nae toe, êêrst ge

Offijn, wiele daer nae toe, êêrst gekeke, toen nae achter in m'n hoarde ze m den huzen druk praete. Dat kleine ventje dee de deure ope in gieng in 't achterhuus. Hie gieng us in alle kasjes kieke, mar hie kon niks vinde as een busje melk, mar die was nog met klaergemaekt. Hie brocht ze toch mar mee in m'n hauwe het flak neffen het huus achter een aerpelpitje leeg gedronke. Het busje weer netjes vrom gebrocht mit een briefje der bie: Ze was wel niet klaargemaakt, maar het smaakte toch wel. Bedankt."

Mar daer wazze m'n toch niet tevree mee en bedochte nog wat oares. In m'n zeije tegen mekoare, dat der op den Zuuddiek een bruloft was in datte m'n daeres zouwe gae kieke of daer niet wat beters was. Ik most êêrst nog om een half pond roak- in pruumtabak van Kamphof bie K

Ikke dat halve pond tabak in m'n binnezak gedouwd in toen naer de Zuuddiek. Mar het was sind een uur of negene geworre in dan zag je gêên mens mêêr buten. Toen had je nog laete post in Oart de post liep nog post rond te briengen op den Zuuddiek. Dat was z'n leste werk in Oart gieng nae huus in wiele hadde de beane vrie.

M'n kwamme dus bie het huus waer de bruloft was in jae oor, m'n hoarde druk gepraet. Wiele êêrst voorn onder de raem luustere, toen nae achtere.

Daer stong een raempje ope in daer was een boord mit flessen der op.

Wel lomp van die mensen om die flessen zo op de griep te zetten. M'n moat stak z'n nerm deur het raempje in zei: 'k hauwe der éèn. Wiele weg m hardloape. Hie viel nog

Wiele weg m hardloape. Hie viel nog in een grintpit, mar hieuw de flesse boven z'n hoad in zei, dat 'n nog hêêl was.

Toen binnen m'n langs den Haenendiek gegaen in daer overbeurte een slokje genome zo uut de flesse.

Op durp kwamme m'n den broer van dat kleine ventje tegen in die vroeg: „Wat hauwe jule?" In wiele zeie: „hier hei joe oak wat". Hie dronk het leste uut de flesse in goaide die toen m de kerkgracht. Wiele de je toen nog un rondje langs de rienk.

Een paer van die brulofters kwamme daer oak an in de zieje: wat hauwe jule toch een lol, jongers. Want jae m'n hadde toch wel een beetje spraekwaeter mot je dienke. Och. jae, in zo'n klein stuutje haest een kanne citroen uutdrienke mit z'n drieën, dan krieg je wel praetwaeter.

M'n bleve nog een hortje mit de brulofters op de hoagte stae praete in toen pakte der êên m'n beet. Hie zag die dikte onder m'n jas in docht: daer hauwe 'k de flesse, mar hie sloeg een nummer. Ik zegge nog: nog un pruumpje? mar de lol was ter inêêns of in toen binne m'n naar nae huus gegaen.

Mar den anderen ochend kwam de peliesje bie moeder vraege, hoe laete da'k thuisgekomme was m of ik niet dronkig was. Mar ze zei: hoar es, ik gae op m'n tied nae bed (in dat was vroeger negen ure) in ik hauwe um niet gehoard of gezieje. In toen gieng 'n nae m'n kammeroad z'n ouwers m daer vroegen ze hetzelfde. Mar zien voader zei oak, dat 'n niks gehoard had. In toen 's aevens op durp op de hoagte daer stieng een kroot je kaerels druk te praeten. Je kon merke, dat ze het over ons hadde, want toen m'n der bie kwamme staen, was het inêêns stille. In een endje varder daer liep de peliesje. Ik zegge tegen m'n moat: die mot ons oak nog hauwe, oor.

Dus wiele een rondje loape in jae oor, hie -was zo bie ons.

In hie zeit: Zo jongers, smaekte dat borreltje nogal gisteraevend? Borrelt je, borreltje, waer hei je 't

Borrelt je, borreltje, waer hei je 't eigelijk over? 'k Wete nerges van.

Weet jie der oak niks van? zei 'n tegen mien.

Ikke niet, zei ikke. Toen zei 'n: 'k Zou mar bekenne, want

Toen zei 'n: 'k Zou mar bekenne, want Merien heit oak al bekend.

Mar dat was gêên waer in dat wisten m'n wel zeker van niet.

Hie weer: Noe mot je der mar op rekene, dat het nog in Rotterdam kan voorkomme, oor. Mar m'n kammeroad zei: „Wat mien angaet, dan komt het voor Den Haeg in Amsterdam der bie' Dan kenne m'n nog es lekker uut oak.

Dat viel de peliesje niet mee, want hie had wel es graeg een precesverboal opgmaekt, mar dat gieng niet deur. Zo is dat toen ofgeloape.

Mar een hortje laeter lei der snêêuw in wiele wazze an 't sneeuwballen goaie. De peliesje kon dat niet gezieje hauwe, mar m'n moat kreeg toch een prentje. Hie docht zeker, dan krieg ik je zo wel.

Die drank weghaele is bie die éène kêêr gebleve, m'n hauwe dat noait méér gedaen. Ik vond het wel een beetje varre gezocht om daer peliesjewerk van te maeken, want voor ƒ 1,40 had je een kanne jenever.

Noe za'k het der mar bie laete, want het is nog een hêêl ende geworre van mien doewen.

Een ouwe Nieuwe Tongenaer.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen