Op z'n Flakkees gezeft..."

Ik zou graeg wat toe wille voege an wat die vriend 'm Eilanden Nieuws van vriedag 14 maert schreef, in wel dit; ik bin net als die vriend oak in Nieuwe Tonge gehore, want toen ik z'n verhael las, gieng un rilling deur me heen, waer is den tied gebleve? zao doende worre m'n oud, in oud worre is niks as je mar gezond bint, nou dat binnuk gelokkig nog wel, als dat mit joe oak zo is dan mag je niet moppere.

Toen ik dat zo las toen kwam me alles weer zo helder voor de geest, of dat het pas gebeurd was.

Mun vriend die schreef dat het een busje was, mar het was een pan mit sukelaodemelk, en dat wou er nogal in want as je jong bint dan lus je nog al wat.

We hawen achter het aerpelpitje kouster gemaekt, in toen haw ik dat briefje geschreve mit de hartelukke groeten, in ze was erg lekker oor Arjanna.

Jae, dat is noe 57 jaer gelee, mar noe komt het oor, toen ze die pan mit suukeloademelk binnen zou brienge, kwam ze tot de ontdekking dat de panne leeg was, nee meiden dat is toppunt, want noe hae ze de panne mit melk leeg gezope, want daer was meisjus bal, want dan waeren daer lange beschuutjes mit kanael mit suukelaodemelk dus dat was haelemael in 't waeter gevalle. Maor we hadden lekker gedronken, in toen binne we weer op raoverspad gegaen, in dat liep weer as gesmeerd, want daer was die dochter van T. L. 's middags getrouwd in dan was dat 's aevuns nog wat nae faesten.

Dus éérst us poolshoagte weze neme, in jao wel oor, de kust was veilig, in toen hae ik die flesse mit jenever deur 't raempje gepikt, tn dan hijje de groatste leut, want die hao men met zijn drieën kouster gemaekt, in dan wor je al een beetje lollig mar toen zijn we nog even bij P. Sch. geweest in toen hae mun de rest uut de flesse op den hoek bie Toeter leeg gemaekt in de flesse bie den kerkendam verzopen want die moest niet boven drleve.

In noe was het nog gelokkig geweest dan mien vriend een half pond tabak in z'n zak had want toen w^e op de hoagte stienge kwamme de brulofters nae huus, in die kwamme bie ons staen, in die dochten dat wiele dat gedaen hadden want bie m'n vriend zat dat half pond tabak in z'n jas.

Dus dat viel niet mee, mar den anderen dag kwam de pelisie naer ons toe, want die wou mit un smoesje anknoape mit ons, want hie zei, „zeitut noe mar want die heit het al gezeit.

Ik zei tegen un joe mot niet van Roadkapje vertellen, mar een anderen zaek heije het gezieë. Hie zei nee, ik zeg tegen un dan mot je bie een anderen weze mar niet bie ons, in daer bleef het dan bie.

Mar gisterochtend toen kwaomen de buren om de koffie, dat doen we' zo wat om de drie weken, noe hoa ze gisteren bie mien geweest, en over drie weken gae ik bie hun om de koffie.

En toen kwam dat zo te praet, hij joe dat stikje oak geleze vleweke, ik zeg jae dat was een maoie grap, in toen lïae m'n dat nog us deur genome, toen zei buurvrouw mar as ik noe zo nae je gezicht kieke dan weet joe daer mêêr van, ik zeg, meid het is net zo goed of dat ik het noe pas gedae hao. In toen haemen daer nog zo om ge

In toen haemen daer nog zo om gelachen, want van zulke diengen haor je noait maer van want ieder êên vliegt overal heen in dan beurt er mêêr slech- tegheit als vroeger, in daer zalle m'n het mar bie laeten. ., . ,

Dus dat is achter de rik m toen kwa.m de winter nog eens om een hoekje kieken, want toen viel er nog kittig snêêuw, dus'sneeuwballen goaien, in noe hadden we der êên op den uutkiek gezet of Arjaantje niet kwam, in jaewel, daer kwam het sein daer komtun oor.

Dus nae de Hoagte want we waeren in de Vrolukker buurt an 't sneeuwballen gaoien geweest, dus staen we daer allemaele op de Hoagte, in dan komt ie naer mien toe, in dan zeit ie, je mot er mar op rekene, dus gieng un naer 't gemêêntehuus om d'n bon op te maeken. Mar ik docht dat kan toch niet, want joe kan toch niet deur die huuzen heen kieke, mar hie zie jie het een bon want hie was een Zêêuw.

En jaewel oor laeter kreeg ik die bon an gebooie deur de Rieksveldwachter J. van Helden, in toen was ik an het peen op doen in de luukert, hie zei hier hij je een bon, ik zeg tegen um wat kan ik daer noe op haele, hie zei daer kan je niks op haele, dat er op staet mot je betaele. Ik zeg tegen um dan had jum zelf mar motte houwe, hie zei dat zou ik noe doewe, mar joe naem staet er op, dus die vlieger gieng niet op, mar ik was bokje, mar 't koste mu toch een tientje en de ander niks.

Mar dat is de êênigste bon die ik in m'n leven tot noe toe heb betaeld, mar we hadden wel voor 25 gulden leut gehad, in noe hae ze niks mêêr want het mensdom leeft maer langs mekaore heen, heiter êên een nieuwe auto, dan mot die ander dat oak, want ze zijn noait tevreden mêêr.

In zodoende zijn we oak bie de bejaerden angeland, dus valt er niks mêêr weg te jatten, mar dat is noe niet mêêr naodig, we leven noe op onze lauweren. Mar als je kan leze in de krant, dan wordt de jeugd niet zo oud als wielle, want het is allemaele drugs of heroïne m inspuitings, waer ze an ten onder gaen.

Verder wens ik U vriend J. en uw vrouw S nog veule gezonde en gelokkige jaeren toe en de groeten van B. Ja Kom zei in z'n leven daer zal het bie bluven en dat is hier oak van toepassing.

Een Ouwe Nieuwe Tongenaer.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen