Ingezonden: De Mme D� Tiene: �Johanna Hendrika''

Menheersenaers, mó je us hore Het durpje waer ik bin gebore. Heit in 't Eilande Nieuws gestaen . . . Ik kon dur zaalf niet henen gaen. Want 'k zat mit wat beslommeriengen Van d' ouwe dag krieg je die diengen. Mar 'k leve mit Menheerse mee. Dat mooie durp daer op Flakkéé. Aai Boagerman spande zich dur vóór In hut kwam voor menkaore óór. Een sloepe, zestig jaar gedwaeld. Wier naer Menheerse vrom gehaeld. Hut Viengerlieng veranderde op slag. Toen de sloepe an de kante lag. De ouwetjes, die dur nog waere. Die kwamme praete, vroeger jaere. Dur wiere noemen opgehaeld Die 't mit dur léven hao betaeld. Want visterieje kost veul leven, Dur bin dur o zó veul gebleven. De foto op, eerst Giel van Dongen, Jan van den Berg, de Groenen, Smit, De nazaten van Jan de Wit, Arjoon Tok, Hans van Dongen, Auperléé Die sprakke nog dur woordje mee . . . Een oorlam wier dur bie geschonke In op de sloepe wier geklonke. Die ouwe schuute M.D. tien Was zeer beslist nog an te zien . . . Cor Groen, mit mooie schipperspette Jan van de Berg, Auperléé, mó ju oplette. In Aeren Smit nog mit un hoed. Die stoet dun eerlijk waer nog goed. De oor e staen daer onbekommerd Dur pette zeker in de lommerd! In ielk geval het wier un dag. Dien men niet gauw vergete mag. Het comité is wel geslaegd Mun heit noe niet teveul gewaegd. Heer Niepjus gaf an Huetink De sloepe as foto, un mooi dink. Daer dronke zu un glaesje op (Mar ik kreeg niks, ik zat in 't slop.) In maansen van Hernesseroord Die déé wat onder vrienden hoort. Aai gaf nog 'n biebelhoofstik méé, 't Gieng over voeren op de zéé. Dur is dur Eén, die weet hoe 't mot. We visse vlijtig, mar mit God, Al kenne w' 'n soms niet begriepe Dat komt as onze tied gaet riepe . . . Hie geeft ons Hemelse gaeven, In briengt in de Veilige Hoeven. Dus of men gaet of komt ter zéé Uw taak is afgedaan, de Schipper is om u tevree. Dan mag u binnengoonü! Al gaf het leven soms verdriet. Hij was ons Borg, Alles om niet!!

C. V. d. Valk („Kees van Rop") Vondelpark 2, 3141 CJ Maassluis, K-1-25

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen