,,Op z'n Flakkees gezeit... "

Dur binne al héél wat korsemissen die 'k meegemaekt ha, mar die van tegenworig liekene wel aores te verloapen in ingedeeld te worren, as tie van vroeger.

Zoa'n zestig jaer gelee, was ut van de ééne kaarkdienst nae dun aoren in naer 't feestje van de zondagschole. Overal hoarende je van de groate gebeurtenis: de geboorte van Christus. Mar noe, 't wete dur dichte gien weg mee voor. Jule; of oak niet?

'k Worre daer vlee weke opgebeld van dun één of aore buurtverénegieng, die vroeg of 'k un gedicht had, of wou maeke in dat tan voordraege. Nou dat wou ik wel doewe, dat doe 't wel méér. Dus ikke vraege... is ut roor Kerst of wat aores.

Het is voor de Kerstmiddag, die willen we met de bejaarden vieren. Nou, zaa'k weer, das goed. Dan mot ut zeker over ut kerstgebeuren gaen? Ja... u, u weet het dan toch wel, zo'n beetje tijdgericht, mar dan niet zo christelijk want het is geen christelijke vereniging. O... jae... wat mot je daer op za?

't Is toch un buurtverenugieng, ik docht tat taer van aolles op gieng. In dan, ik magge biedehangd weze, mar daer zie'k toch gien kans foor, om un gedicht te maaken van de geboorte van Christus in het tan vorders helemaele buten beschouwing te laeten.

Daer zou joe toch oak gien kangs voor zie je? Na jae, ut is tan toch deur gegae, 'k binne benieuwd of tat ze dur dan' nog over valle zalle. Mar dan kiek je dan weer. Je weet ut noe éénmal. AoUes is aores.

Vroeger kreeg je de Maas in Scheldebode in de Vooruit. Der stong un haop plaatselijk nieuws in, vooral oak Burgerlijke stangd in dan wat advertensies.

Mar noe, ze goaien un maans doad mit te krangten in de stroaibuljetten. In wat staet ter in? Gaet naer dit of dat restaurant, daer

Gaet naer dit of dat restaurant, daer wordt een kerstdiner op gediend, in een geheel in kerstfeest gehulde aankleding, zoas de sfeer dan oak zal weze. Daer de muziek geheel aan de kerststemming is aangepast. De Kerstkalkoen is overgote met de meest exclusieve wijnen en wat je dan nog toe krlegt, dat heit zoe'n moaie naem, daer breek ik te nikke over, dat gaet boven mun petje oor. In dat geef dan oak noiks, wangt het zal wel un geweun porsje ies weze mit wat aerebezemsaus, dienk'k. Mar dat zet je netuurluk niet op zoe'n deftige kaerte.

Mar wel lees'k ter d«n nog vr*\ op: U is gekleed in een zilver of goudkleurige kerst japon. Dat mag tan musschien wel un aore kleure oak weze as ter mar veul bloat is, want tan is 't ommers pas moai. In dan zal degene die mit tie moaie kerstmevrouw meegieng zun pak oak wel un kerstcustüüm weze. Fanself, aolles nae rato!

Mar zoe vin je dan aol die moaie kerstgedachten in de brievebus. 'k Binne gien besten oor, mar toch vraeg ik mun eige wel of... is tat noe van de kerstgedachte over gebleve? Dat vind'k toch wel pover, dat tat noe uut te bus komt in dat toch diengene, die, nae 'k hope toch nog voor verschei je maansen nog de grote waerde heit, zoe verlaegd wordt, dat ut alléén mar wordt voorgeschutteld as: commercie.

Ut mos nie magge. De brievebus is te klein om het te verstouwen. Vuuf, zes krangten in zoe ik al zei, 't weet niet hoeveul stroaibuljetten. Jae... die hawe oak un aore naem, 't binne noe ommers... Folders! Nee dan geef 'k toch méér voor de korsemisse van vrpeger. Je had tan wel gien groate kersboam in gien in stijl uutgevoerde feestzaele mit te hélen dag te pickup an die mar tellekes weer opnieuw... Stille nacht in Ere zij God over je heen goot...

Das oak weer zoe ietewat dae je tegen in opstangd komt... of je noe om un pond maegere lappen of om un pongd suker gaet of nae de mellekboer. Overal hoor je dat mar an dreune. Ik snappe niet dat tat toch aollemaele mar mag. Dat vind ik het héle groate gebeuren in Bethlehem nae omlége haele. Dat mos nie magge. Ze modde toch oak mit te mening van

Ze modde toch oak mit te mening van un oare rekenieng houwe. Ze motte noadig za teenworig, mun binne tegen discriminatie. As ik aol die rommel in de bus vinde, dan discriminere ze un hoap maansen. Nee geef mien dan de korsemisse van vroeger mar oor!

Un kerstboam, nee oor die magge ze van mien gerust ha, in je mag van mien best wat kaersen brangde, zoe is 't noe niet.

In 'k weet ut vroeger deje de maansen dat niet. Un kersboam hadde ze bie de groate lui, de mééste maansen hadde der gunééns caanten voor. In as 't leije kon, dan wazze ze weer benaauwd tat te buren dur wat van za zouwe.

Jae, dat wazze toen aweer de tiedverschiensels.

Aolles is an dim tied onderheve, mar geef mien dan toch mar de korsemisse van toen. Je mos wel tweemal op ten eersten korsdag in ééne kéér op ten tweeden dag nae de kaarke in daer snap je dan aoltied niet aolles van, mar de zongdagschole maekende toch wel dat Lucas twéé levend voor je bleef. In gelokkig gebleve is. Bie dun éénen heit ut groater waerde gehouwe as bie dun oaren. In je ziet ut musschien wel un beetje van un aore kangte as toen, dur gebeurt zo enhoap om je heen. Mar voor degene die ut vast hiewe is Christus toch de Verlosser gebleve. In dan hei je un goeien houvast.

'k Dienke dat je dat van dat... Kerst hier in Kerst daer over 25 jaer niet zal kanne za. Zo, mun Ueve maansen tat mos 'k

Zo, mun Ueve maansen tat mos 'k noe zoe mar us kwiet.

Mar zal ut ter maer bie laete in eindige mit un...

Gezegend Kerstfeest, voor ieder ! !

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen