Wie schrijft er mee van en over Flakkee?

Zwemme paerden in koeien?

Tegen 't naejaer as de beesten nog net op ut gors liepe, of oak weilus bie un spriengtiej, had jut wellus, dattut un ienkele kêêr fiienk hoag waeter wier zodat de gorzen oengder kwamme te staen, oengder waeter liepe, astur dan koejen in paerden op liepe, in dat was haest altied, had je wellus dat die daer nie bluve könne, 't Waeter kwam ammar hoager in hoager, in op 't les stoenge die beesten zovaar in 't waeter, dasse bienae dreve, in dan kwamme ze nae dun diek zwemme. Ajje dat dan zag, was 't net of ze geweun liepe, zo kwamme ze toch aerdug vooruut. Hoewel 'k ha wellus hoare verteile, dattu us gebeurd mot weze, dat zo'n koei deur de stroam gegrepe wier in niet an de kangt kon komme, zodat zum mit un roeiboat ha motte redde. Mar goed zwemme kenne ze wel. Astan 't waeter weer zakkende, dan mostur gekek worre van welk stik gors die beesten ofgekomme waere. Wie van wie was wangt an dun diek liep alles deur mekaor. Mar ielken boer kon zun eigen beesten, dus dat gaf meestal gêên problemen. Noe mun 't toch over koejen ha, ik herinner me nog van vroeger, datje un tiedje had, dat de melk verschrikkeluk aarg nae pejen smaqekende. Dat was asse de koejen peeblad te eten gave, wangt je haelde nie zo as noe de melk in un pepiere zak, mar je gieng geweun mit je melkkan of busje nae de melkboer, of hie kwam bie je an huus. Noe maark je van die pejesmaek noait mêêr wat. Mar wat smaekte die melk vroeger toch veul lekkerder (aster dan géén peebladsmaek anzat dan noe, in zou dat noe alléén weze omdat ur dan méér vet in zat? Dat mo dan weer slecht weze voor je bloedvaeten, dan dus mar halfvol!!

Un boeremaans

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen