Wortels

Daer gaet 't stukje over. Die wortels dat binne gêên geweune diengen, nee die zitte in 'n mens. Noe zal je zégge van in oens Hef 't Is zoo; al die mensen die van 't eiland of gienge in an de overkangte gienge weune die binne vertrokke mit die wortels. Want nae de ramp gienge d'r veul op de zêêpfebriek of op 'n scheepswerf wèrke want dan krege ze geliek 'n huus, dus lokte dat wel an. Op 't land was haest gêên werk mêêr. Dus daer was gêên keuze as dat veul vrouwen mit heimwee weg giengen. Veul mensen binnen nog mit de gedachten op 't eiland. Je mot diensdags in vriedags mar es gaen kieke op 't postkantoor hoeveul Eilandenkrangten naer de overkangte gaen, 't stikt van de leezers. In die leezers spitte de krängte hêêlemaele uut. As die in de brievebus komt gaen ze d'r êêrst voor zitte om te kieken wie d'r getrouwd is of'n kind heit of wie d'r dóód is. Iederéén heit allicht nog wel femielje d'r weune om 'n daegje naer Flakkee te gaen. Teegenwoordig kan je oak 'n weekje naer Port-Zélande dan proefje hoe Flakkee verangderd is. Vroeger gieng je bie 'n oom in tante 'n paer nachjes slaepe. In daerom, al die flakkeeënaers kenne nae al die jaeren die wortels in géén goeie groengd kwiet, in hoe ouwer ze worre hoe mêêr 't opspeult. Soms gaen ze nae veertig jaer terug, want ze willen wat méér andacht, in als 't niet méér gaet 'n goeie verzurgieng. Want Flakkee bluuft toch de thuushaeven. Dan binne d'r oak nog 'n groep mensen die stokoud worre in niet begraeven wille worden in de stad. Die motte 'n graf alléén mit 'n keurige stêên in die nae dertie jaer niet opgeruumd wordt, al die stadsideeën dat wil de flakkeeënaer niet. In 't leeven kan vreemd verloape, daer binne mensen die nog welles 'n adresje in d'r hoad hawe van vroeger toen ze verkêêring gehad ha, in deur werkzaamheden de verkêêring uut rocht. In as ze dan weduwe of weduwnaer worre, nae 'n hortje schiet anééns dat adres weer in d'r gedachten. Ze informeeren bie de femielje of die soms aok allêên is. Dan schrieve ze zoo iemand es an in brienge d'r es 'n bezoekje, dan bliekt toch dat et tussen deze twéé mensen klikt in dan gebeurt dat twéé bejaerde mensen tot in lengte van daegen saemen gaen weune. Je ziet al die wortels speule op allerlei menieren 'n gróóte rol in oengs lief Dit was mènsenwortels. Mevr. J. Huizer-Vroegindeweij

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen