Wie schrijft er meevan en over Flakkee?

Het was in de maend Feburari van 't jaer 1919 of 1920 daer wil ik van of weze, omdat ik het niet zeker weet. Toen ik uut schoole kwam 's middags om half viere, zei mun vaoder tegen me, gaet 't us bie Hein Moyses, in bie Krien Kievit, in bie Piet Missel, in bic Frans van Fiet, vraege of ze vanaevond komme stoppe. Dat was niet tegen un daove gezeit, want ik was blieje, als zulke mannen un aevondje kwamme stoppe. In als un joon van un jaer of 9 of 10 dan zat je zoo'n aevond mit open mond in oaren te luusteren, naer de verhaelen van vroeger.

Vroeger was de geweunt datje in de zeumerin de achterkaemerweunde, in de winter in de voorkaemer, dus we weunde toen voor in huus. In dan zat dat gezelschap rond de kachel puupe te roaken, in dan was soms zo dik van de roak, dat ik mun moeder amper zag zitte an de taefel, onder de petirolilampe, want daer zat ze dan kousen te stoppen. Dan was ut de ganse aevond praette in roake in koffie drienke, tot diep in de nacht. Toen ik thuus kwam vroeg mun vaoder: Komme zu? Ik zei jao, alle viere. Het was ondertussen vuuf uure geworre, toen zei mun moeder laeten we mar gae ete, dan kunne we nog mit de lichten ete, zo gezeit, zo gedaen. Terwijl moeder broad zat te sniejen, keek ze deur ut raem naer buuten, in toen zag ze van der Linde voorbie gaen, in zun werkgoed, ze zei waer zou van der Linde nog zo laete naer toe motte, in dan tegen dun donker. Want je mot wete dat van der Linde voorman was bie de polder. Wat was noe ut geval, de polderopzichter van der Velde had laete weete dat ur 'n stik hout tussen de schuure van de buutensluus klem zat, zodat de schuuve niet wou zakke.

In daer de vloed al in het waeter zat, was er naetuurluk haest bie. Daerom had de polderopzichter van de Linde laete roepe, om dat stik hout er van tussen te haelen. De polderopzichter had voor zun deure in de sloat, onder de ééndrachtsdiek un houten bak legge, in daer was van der Linde mit in de sluus gegae mit un lantaern bie zun. Ondertussen was ut al donker geworre. De polderopzichter stond in weitje bie de dokter mit un zaklantaern in de sluus te lichten. Plotseling hoarde de opzichter un geweldige klap in de sluus. Wat was noe het geval, van der Linde had mit dun haest vergete de vloed

Wat was noe het geval, van der Linde had mit dun haest vergete de vloeddeuren op dun haek te zetten, dat kwam laeter uut, toen de vloed op kwam zette sloegen die deuren mit un smak dicht.

De polderopzichter begreep wat er gebeurd was, die maekte daedelijk alarm, want de polderopzichter was wat er binnen in de sluus gaende was, de 2 vloeddeuren waere dicht geslooge, in daer zat van der Linde mit zun bak tussen in, daer de vloed tegen die deuren stond, was het onmeugelijk die open te drukken, dus het waeter kwam zo langzem bie zun vloeie. Toen waere un tied van oagenblik veul mensen bie de sluus, om te helpen, want toen ik mit vaoder bie de sluus ankwamme, toen kwamme de vissers al mit un boat over dun diek sjouwe, die zu uut de haeven gehaeld hadde, om mit un paer mensen de sluus in te gaen, maer moge niet méér baeten. Dus die man heit un verschrikkelijke verdrienkensdoad gehad, want het vloedwaeter steeg mar langzaem in dat kaemertje, in het waeter kwam tot an de bovenkant van de sluus te staen, dus je kan je eige wel voorstelle wat dat voor van de Linde geweest is, zo langzaem de doad an zieje komme. Toen 's aevonds de eb was ingevalle om elf uure, toen 't waeter weg was. kon

Toen 's aevonds de eb was ingevalle om elf uure, toen 't waeter weg was. kon ze die vloeddeuren ope kriege. Want Kobus de Goede is toen mit un boat van binne kant in de sluus gevaere, in die heit van der Linde uut de sluus gehaeld. Toen heit de dokter vast kunne stelle, dat van der Linde krankzinnig is verdronke. Je kan wel begriepe, dat van dat aevondje stoppe niks geworre is.

Later is vrouw van der Linde mit der kinders verhuusd naer Schouwen in Duuveland naer het durp Schaerendieke. Daer boa ik ze nog verschillende maelen bezocht. A. Lokker, Stellendam

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen