Jaarvergad. Ver. voor d�aiectonderzoek

Het is noe weer al 3 weken gelee, dat de veréénegieng van dialecten onderzoek z'n jaervergaedering hieuw in ik hao nog m'n belofte an de redactie gedaen niet waergemaekt. Mar noe mot het dan éérst.

As je nae het weer gekeke had, was je zeker thuusgebleve, want het was bar in bóós. Op de Greveliengendam kon je mar vuufteg meter voor je uutkieke van de regen in op de Zéélandbrugge was het niet veul minder. Mar m'n bin héélhuuds angekomme in wiere verwelkomd mit een lekker wérreme komme kofje in een kapelse bolis, mar oak mit groate hartelijWieid deur ouwe bekenden van de éérste kéér.

't Was jammer, dat Flakkee zo verstek liet gaen. M'n waere mar mit z'n zessen, as je het bestuurslid Bram Faose in z'n vrouwe meerekent. Schaeme wiele ons voor ons dialect? Beseffe de mensen hier niet, dat wiele veul méér woorden hoa, die precies angeve, wat of m'n bedoele? Hei je oait een Rotterdammer hoare zegge, dat 'n niet goed Nederlands praete, as 'n zei: ik heeft, of ik doet? Zukke roare fouten ka'je in het Flakkees géénééns maeke. Laete m'n toch asjeblieft iets eigens houwe in onze moerstael gebruke. Zo, dat most der noe éérst us uut. Dat wU netuurlijk niet zegge, dat je tegen een overlander, die je niet begriept, niet Hollands mot praete, mar dat doe je uut beleefdheid. Noe verder over de vergaering: daer

Noe verder over de vergaering: daer mot nog een hoap werk verzet worre, éér het boek over Flakkee gerééd Is. Daer is een berg hulp voor nodig, vooral van mensen, die nog veul wete van woorden, gebruukt in der vak, b.v. smid, waegenmaeker, messelaer, boer, errebeier, polderopzichter zo goed as polderwerker, dienkt der mar us over in as je wat heit, je weet het adres.

Noe was der oak nog wel ofwisselieng oor. Mevr. E. Schippers-le Bleu droeg een prachtig verhael voor uut Zééuws- Vlaenderen, E. Reinhoudt zong Zeeuwse versjes. Mevr. Soldaat las voor uut eige werk in een stel Haegenaers, die der eige tael niet vergete hadde, voerden een leuk tenéélstuk op. In naedat E. Reinhoudt weer gezonge in meziek gemaekt had, sloot dr. J. L. Braber, as vervanger van de voorzitter, die ziek geworre was, de dialectdag of.

Ik hope, dat kommende jaere méér Flakkeeënaers bliek van belangstelling voor der eige tael zalle geve. D. K. S-P

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen