,, Op z'n Flakkees gezeit..."

Een paer weken gelee stong er een pertret van juffrouw Paulina van Wéél in de krante, dus ik docht zo bie m'n eige, daer m.ost toch 's wat naeder over bekend gemaekt worre.

Jae, Paulina van Wéél was ofkomstig uut Dirksland, de van Wéélen waeren héél anzienlijke mensen, in héél riek. Toen in 1928 juffrouw, jae juffrouw, want ze wat niet getrouwd, van Wéél gesturve was, in dat bericht kwam van dat legaot, stong 't hèéle durrep op z'n kop.

De één wist dit in de aore dat, in wat was noe 't geval, juffrouw van Wéél had in d'r testement Dirksland bedocht met een miljoen gulden. Dat klienkt in deze tied zo geweun, want je hóórt tegenwoordig niet aores, van zuwel miljoen hier, in zuwel miljoen daer meestal te kort, mar daz een aore zaek. Mar in 1928 een miljoen gulden, nou

Mar in 1928 een miljoen gulden, nou de mééste mensen hadden d'r nóóit van gehoord, je mot dienke dat je toen rekende in sluuvers in dubbeltjes, want zo best w^az het in die tied oak niet oor. Wat waz die vrouwe riek toen ze stierf, want ze had uut femieljebezit 8 miljoen, jóón, jóón, wat een haop geld was dat in die daegen.

Wat stong d'r noe allemaele in dat testement, want een vooruutziende blik had ze wel oor, daer stong in, dat er een ziekenhuus mos komme, noe waeren ze daer in Dirskland al lange over bezig, mar de centen ontbrakke, dus daer kwam mar niks van, in noe waeren die problemen inééns opgelost.

Dat ziekenhuus was toch een uutkomst, want op 't eiland waz ter niks, dus mos je altied naer Rotterdam, in die verbindingen waere toen oak niet zo best, in dan waz het dichte te laete.

Een móói plekje was ter oak voor, op de Tinusseweije, daer stong de meziektente wel op, mar die kreeg wel een aor plekje. Wat is ter in die tied veul vergaederd ui

Wat is ter in die tied veul vergaederd ui gesproke, want daer zat héél wat an vast éér dat uutgevoerd kon worre. Een drukte dat dat in 't durrep brocht, d'r kwamme vreemde ambachtsmensen, want een geweune messelaer of tummerman koa zo'n karwei netuurlijk niet. In diezelfde tied wier d'r oak waeterleiding in electries angeleit, dat waz ter oak nog niet.

't Is noe allemaele al veul veranderd, in den oorlog is het gelokkig gespaerd gebleve, zo aok mit de ramp in 1953.

Toen is ter een héél stik angebouwd, van een Zweedse vereniging kregen ze toen ƒ 500.000,— voor een kinderziekenhuus („Redda Bamen") Mar in dat testement stong nog veul méér daer most aok nog wat komme voor ouwe hulpbehoevende Dirkslanders, dus daer kwam een apart gebouw voor, in daer hao verscheije oudjes nog een besten ouwen dag gehad. Ik gelaof dat het tegenwoordig kentoor is of zoo. In dan nog een badhuus voor alle schoolgaende kinders groóóte mochten daer aok gebruuk van maeke, noe is 't al jaeren niet méér in gebruuk, want iedereen heit thuus noe wel does of bad, 'tis noe postkentoor geworre.

Dan nog een naoi in breischole, dat heit wel lange geduurd voor dat die kwam, mar 't is noe een móóie huushoudschole. De kerke in de diaconie wieren aok goed bedocht, in dan de schoolkinders, die kregen ieder jaer mit sinterklaos een kedootje in traktaosje, hoe dat noe gaet weet ik niet, vroeger kon je voor een paer gulden aerdig wat kaope, mar dat is niet méér.

Zo zie je mar weer wat een mens mit geld veul goed kan doewe, want tot vandaeg an den dag profiteert het héle eiland d'r nog van, d'r is netuurlijk veul veranderd, dat briengt den tied mee, mar de naem „van Wéél" bluuft bestaen. Daer is oak nog een weg naer genoemd. Misschien bin ik niet helemaele volledig geweest, dan hóór ik daer graeg rejaksjes op. Bie voorbaet dank. J. Both-Roodzand

J. Both-Roodzand Piet Heinkade 5 4381 NC Vlissingen.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen