Wie schrijft er mee van en over Flakkee?

Zei mar Jan Jorus uut de Giegelstraete, een hêêle goeie klant, die komt nae z'n waark nog even naer de wienkel (die was ope tot da men naer bed gienge). Hallo Jan, Jae joh 't is weer zovaare, d'n zevenden op komst... „Zo", zei Jan de wienkelier, „dat wordt al een heel krootje Jantje, je kan der wel een luzze an zette aores kan je straks de klompjes niet meer berge".

Noe ja allé dat zal nog wel losloape marrr... ik zit wel mit een probleem. Ik mot de schaepjes van de bokjes gae scheije... er mot een kaemertje komme op zolder... want de besstee in de kaemer mot leeg... daer motte Piet in Jorusje in, in Joastje mot uut de kribbe eer dat de nieuwe wereldburger er is zie je".

Noe hoa 'k wel bedden in een paer dekens, mar... nog gêên gestikten deken voor boven, in oak nog wat molton pakken voor d'n kleinen. Wat dienk je, ka je m'n helpe tot 't naejaer as de juun d'r uut is, in verkocht kan worre?" „Natuurlijk Jan, kom ter merrege mar om oor, ik lage 't wel gereed". Zo

„Natuurlijk Jan, kom ter merrege mar om oor, ik lage 't wel gereed". Zo gezeid, zo gedaen. Jan Jorus was geholpe in de centen komme wel binnen, hie was earelijk genog... Soms was je je centen wel es kwiet as de juun niks opbrocht en bijvoorbeeld de knecht gieng verhuuze. Mar aores, dan mos je wel eens een jaer wachte... of soms wier het halve vaere ke verkocht, mar dat was wel een noadsproeng oor, dat dee je zomar niet.

Zo'n gestikten deken kostte ƒ 27,- in de molten pakken 35 centen. Dorde juun dat was zo geregeld. D'n boer had juun, in de aarbeier die most ze wieje, in plokke, in helpe opdoen of an de pit laage. In as ze verkocht wiere dan was er twee mud voor de boer in een mud voor Jan Jorus om den deken in de molton pakken te betaelen in wat er nog meer noadig was voor 't huushouwen in voor un bigge. Toen was 't wel aores as noet (BETER???)

Een dieng stond vast, je was wel van mekoare ofhangkelijk, in meer behulpzaem op dit gebied. Toen kon Jan de wienkelier er mit z'n vrouwe van leve al moste van soggus vroeg tot saevus laete waarke. Noe heit de kleine middenstand der geen schijn van kangs meer. Dat briengt d'n tied geweun mee.

Oak kan Jan Jorus nie meer terecht om 'De Juun' te koapen, da's verleje tied. Mar... er binne niet zo veul Jannen Jorus die motte of kanne zaage „m'n vrouwe loapt van den zevende", hoe zouw dat komme, toch niet omdat er geen dordejuun mêêr is? J. C. H., Dirksland

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen