Herinneringen aan vroeger; een dienstertje van 8!

Mar 't viel mee, want opoe was un aerdig mensje. As ik de m'n opgedraege naadjes van mun kouse zat te breien ging opoe an 't verteilen. Ze las oak wel es wat voor, want lezen kon ze, schrieve niet, want ze had noait schole gegae D'r vaoder was boerenknecht in ze weunende in een h uusje, een endje buuten die stee. Toen opoe 7 jaer was stierf d'r vaoder in schoot dur moeder over mit 3 kleine kinders, 7,5 in 3 jaer oud. Opoe was de oudste. D'r moeder most gaen werke op die stee, want van een uitkering had nog noait een mens gehoard. Dan most opoe op d'r zusje in broertje passe. Noe was dat in de zeumer niet erg, in de winter wel, want dat huusje had geen houte vloer, dat was geweun aerde. D'r was een schouwe waer een ketting in hieng, daer kon dan een iezere ketel an hange om waeter of eten te koken. Daer lei un iezere plaete onder, waer takkebossen op gestookt wiere. Die

Daer lei un iezere plaete onder, waer takkebossen op gestookt wiere. Die leie in de ene hoek m in de andere poters om te eten as je ze gaer gekookt had in die ketel, boven dat vier. Brood was dier, je most een stuver geven voor een pondertje. Toen opoe 8 jaer was wier ze verhuurd as dienstmeisje bie de waegenmaeker van 't durp. Wat had ze het daer goed. Ze most wel werke, mar ze kreeg volop te eten, schoane kleren in een waerm bed. Die mensen hadde zelf géén kinders, dus hadden veul mit dur op. As ze kaernemelkse pap atte wier dur een lepel strope op gedae. Opoe vond die pap al zoo lekker dat ze géén strope wou. Mar dat mögt niet van de baes. Hie zei: „As ter iemand binnenkomt in joe heit gien strope op je pap krieg ik een siegte naem op 't durp". Ze wier een kittig deerntje in kreeg kennis an een jongen. Mar die most naer dienst, in dat was toen 3 jaer. Hie zei laemen mar van me kaore of zieje, want joe kan niet schrieve in ik mag mar twéé keer in een jaer mit 3 daegen verlof naer huus, dus dan bin je niet gebonde. Mar ze bleef 'm trouw in toen de dienst erop zat binne ze getrouwd. Mar toen wier het nog harder werke, want opa kocht 'n span paerden, liet een huusje mit een luzze bouwe in een stal voor die beesten. Hie gieng teelsman worre voor al die kleine boertjes die zelf geen paerden hadde. In opoe gieng op un stee daer in de buurt werke. Dat was dan géén 8 uur dienst oor. 's Ochens om 3 uur op stee. Een gemetseld fornuis mit een iezere ketel dur

op om waeter in te koken de ganse dag, want dur most wat gebeure. Je stookte hout in dat dieng stond even buten de gebouwen voor 't brandgevaer. Dan wier de was gedae mit de stamptonne. Daemae wier dur gekaernd mit een hond. Dat dier liep op een tredmeule tot de butter afkwam (zo'n spul is nog te zien in een muzeum). Om 7 uur 's ochtens wier dur koffie geschonke in kreeg je een paer stikken (boterhammen) mit geraspte kaeze. Mar terwijl je die opat wier dur een bak mit aerpels op je schoat gezet, want dan kon je die geliek schelle voor het middageten. Noe was dat een moaie stee (ik weet nog dat hie ofgebrooke is) mit hoage raemen in een groat bordes, dat most mit waarm sop gewasse worre. Dur was oak een groate wurft van gele steentjes, die mosse oak geschuurd worre mit een boender, op je knieën mit een balieschorte voor. As dat allemaele klaer was kreeg je je koffiestikken mee naer huus in was het 6 uure in had je 7 stuuvers verdiend.

As je dat anhoarde docht je: Mot dat noe zoo. Dur is wel wat veranderd, mar of de mensen meer tevree binne? Staeke, maar opoe zou zegge:

De broadkruumels steke.

Een aarebeiersvrouwe

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen