Terugdienke an Menheerse

Uut Menheerse en van Menheerse

'k Binne gebore op 't Zandpad en 'k binne opgegroeid in 't zelfde durp, mit m'n broertjes en zusje. Mit voader en moeder derbie geteld wazze me 'n mit z'n negenen in we sliepe allemaele op 'n klein zoldertje op den Oostdiek, waer we toen weunden.

'k Hoawe op de poppeschole gegaen bie juffrouw Sonneveld, juffrouw Vis en juffrouw Piëta, dat was mien tante van men voaders kante. Die schole was in de Rienk, vlakbie het weeshuus van de grote kaereke. Thuus was het erg klein en mit zwaere regen lekte het als een zeeve. We hadde een gaslampe, in je mos een 21/2 duit in de meter douwe anders ging de lampe uut. Nieuiwe kousjes kon je koape bie van den Nieuwendiek.

Na schooltied speulde we op 't Zandpaedje bie de gemeentetuun of op de Waeterweg in de Spuie. Dikwijls gingen we naer den Haevendiek, speulden in de grindbak of op de boamen die daer lagge voor de klompenmaeker. Dammesje Vroegindewey had een speciale karre, een lange jan om die boamen bie Mans te briengen. We gienge de klompenmaeker wel eens hellepe, kregen dan een stikje glas waerme je de klompen mos schrappe. Geld kregen we noait, wel appels in peren uut den tuun, die was achter de schüre van Buth op de Waeterweg. Vooran was Joapje Verweij, de lorreboer, die liep kreupel. 's Weunsdagsmiddags was er geen scho

's Weunsdagsmiddags was er geen schole en ik weet nog dat we mit Leen Strunk naer 't land gienge. 't Was dien dag erg waerm en we hadden geen komme of kroes, dus we dronke uut onze klompe. Leen was een van de eersten die naer Canada gienge. Zaeterdag kregen we ene cent en dan gienge we naer Tiene op koaie voor een cent van 't blad. Ik hoawe nog een paer halfjes, die kreeg

Ik hoawe nog een paer halfjes, die kreeg ik van opa Pietje, dat was men overgroatvaoder van moeders kante. D'r wasse nog 2 snoepwinkeltjes op den diek, n.1. Neeltje Kooi en Jantje Troost neffen de Gruiter. Jantje z'n vrouwe kwam uut Rotterdam en ze kon goed praete. Jan ging mit de ijscokarre deur 't durp, een puntje was een cent. Toen Jan wat ouwer wier viel er wel eens een droppeltje uit z'n neuze in den ijscobak, mar wiele namen het niet zo nauw. Gienge oak kinkkere, vliegere en schotejillen vange in de komme. Laeter gienge we mit een grote simme en

Laeter gienge we mit een grote simme en lange peure op spiering visse. Oak meulenaers vange op nieuiwe diekje, in de winter schaetseriee en mit de stikkerslee, binne oak wel eens deur 't ies gezakt mit schotsjeloapen. Op de iesbaene had Piet Verburg een tente in voor een stuuver kon je een beker suukeloademelk koape, mar wiele hadde geen centen. Op schole was juffr. Hartensveld, juffr. Pape, meester Prins, Mourik, Taaie en den groten baes meester van Loo. Ik zieje nog al die klompen in de gange, je mocht ze niet an houwe in de klasse. Thuus veul stroapvet op je broad en soms vleis as der een paerd geslacht wier in de noodslachting op 't Voorgors bie Klaos Vroegindewey en Joosje Kamerling. Zaterdagmiddag naer Jamin vlak bie

Zaterdagmiddag naer Jamin vlak bie Holland Zeeland voor goedkoape boodschappen, we krege dan een boekje Centra kado. Deur de weeke kwam Lijntje Brezijn een liter melk brienge voor 9 mensen en je kreeg dan een klein kroesje. In 1938 verdronk m'n broertje Adrie bie

In 1938 verdronk m'n broertje Adrie bie de Menheerse boat op zaterdagaevond en dikwijls dienk ik nog terug an dien dag. Zo hei'e moaie herinneriengen mar oak

Zo hei'e moaie herinneriengen mar oak droevige diengen die je noait vergeet. Ik haowe een mooie jeugd gehad, we hadde niet veul mar we wazze tevreeë. Ik weete nog veul meer te herinneren oak van den oorlog en oare diengen. Mar voor vandaege hou ik er mee op.

Een oud-Menheersenaer

(sins vuuf-en-vuuftig in Amerika)

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen