M��ster van Donge, de schoolm��ster van Stellendam

Daer las ik over in E.N. van j.1.3 Janewaorie, dus weer al een hort gelee. Het was geschreve deur een Menheer van Dongen uut Oud Beierlangd.

Hie had het over de meziek waer Noach van Donge direkteur van was. Mar hie eindigde mit te zaagen: dat te Meester gien fummielje van z'n was, want hie bietende, van Dongen mit een N in de Meester z'n naem wier geschreve, zongder N.

Noe gieng d'r bie mien een lichje brangde.

Ik hiettende toch oak van Dongen, docht 'k, mar hie was van ongs toch wel fummielje.

Weetje wat, zaag 'k bie m'n eige ik düüke het archief mar 's in. Noe hoar ik al zaage: het archief, daer mö je niet over diênke, houdt tat maans t'r een archief op nae.

Jae dat hou ik f r op nae, mar dat is oaltied al zoe genoemd, daer zat moeder d'r trouwboekje in, vorders tan nog wat pepieren, zoe as de polis van de verrasteransje, in wat rouw- in trouwkaerten. Mar is een groate blikke doaze van toffee's. Maar uut tat archief kwamme de hier biegaende puppieren. Die liege d'r nie d'om.

As ik zaage, ik bin een echt van Dongetje, van moeders in van vaoders kangte, in oalebeije mit 'n N.

Mar om noe d'n draed weer op te pakken. Noach van Donge was een broer van miên groatvaoder in ik weete nog wel, dat moeder zei: Het liep zeker tegen twaoleve in de sikkeretaoris. Bram Nijgh kreeg zin in z'n prakje, dus tie N modde ze d'r mar bie dienke.

In of het noe waer is of niet: Noam Noeach mos zongder N deur het leven. Dat tiê man klein van stik was, dat dienk ik oak wel, want ik bin oak niet groat in m'n vaoder had ten biênaem van reusje. Nee de kinders van vaoders kangte wazze oallemaele mar klein.

Noe hoop ik niet te veul gefangteseerd te hao, mar ik modde oak zoe'n naande vrom.

Toch vraeg 'k m'n nog wel's of, waerom mocht Noam Noeach, schoolmeester worre, hie was toch oak mar van visters ofkomstig, in dat kon der dan niet of. Op te Zampad neffen Joapje van Moos, daer had je een gaeren in bandwienkeltje. Meutje Sien in meutje Mao, dat wazze dan oak zusters van Noam Noeach.

Noe zal 'k het hier mar bie laete want ik kan maareke, dat 'k het nie mêêr gewaand binne, de wil is t'r nog wel, mar de fut gaet t'r uut. As t'r soms binne die nog wat naeders wete. Toe laet tat tan us wete.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen