Wie schrijft er mee van en over Flakkee?

Van de heer Huizer ontvingen we ook de volgende 'spannende' bijdrage, want wij kunnen ons wél indenken wat liet betekende om zo het slik op te moeten gaan met opkomend water. Wat ondankbaar om nooit eens even een kaartje te sturen hoe het allemaal afgelopen is, maar ja alle mensen zijn nu eenmaal niet het zelfde. Vriendelijk bedankt meneer Huizer, wie weet valt u nog eens meer wat in naar aanleiding van wat een ander geschreven heeft, zoals nu '^"i^^"'- Redactie E.N.

Vriend Arjaen van Haarken had hut over d'n botter op 't slik bie Haarken. Ik docht toen bie mun eige... jae das waer zo gieng dat toen. In geliek kwam er un voorval in mun hoad dat gebeurende op dat zelfde slik, nl. bie 't bolbaeken taanden de haevene bie Haarken.

't Was op un tweede Pienksterdag sochens om zowat half zesse. De ouwe schipper van Vliet stoeng al op Kaoie... hie had net un vorse prume achter z'n kiezen genomen... toen un op 't slik wat verdochts zag. Zowat bie 't bolbaeken taanden de haevene warre twee mannen an 't vissen. Ze hadde een ouwe kano bie der... un één-persoontje. Noe stieng er niet zo veul waeter meer mar 't kwam wel op. Noe zag die ouwe schipper dat êên van die twéé mannen stieng te zwaoien in te wienken. „Dat is fout", docht un bie z'n eige, in gieng 't slik op. Noe kwam één van die mannen angehold deur 't waeter in riep om hulp want z'n vriend had een hartanval docht un. Zo vlug as un kon gieng van Vliet noe naer de wal om hulp.

Noe dee ik op Haarken veul EHBO-waark, dus kwam un naer oengs toe. Ik lag niet mêèr op bed, dus was ik gauw bie z'n. Mun ha toen de pliesje geroepen of die oak mee gieng, in op Kaoje stoeng nog un man die wouw gae visse, in die gieng oak mee. Ik had een draegbaer thuus in zo gienge wiele mit z'n drieën op pad. Dat was nog niet zo mar wat oor. Hut waeter kwam op, dus we moste laerzen an. Noe bin ik an de butenkante nog al dapper al zaage ik dat zelf, mar de lucht in de loengen staat niet altied op de juuste spanning dat is bekend. Hut viel bar tegen zo'n km over 't slikt mit un draegbaer bie je. Het leste aande ha ze mien op die brancard gezet in zo vaarder deur 't waeter gedroege, om da'k niet alleen moe mar oak niet zo bar groat binne in 't waeter stieng al haest in 't kruusje, in dat was niet best dat snap je. Toen mun bie die mannen kwamme zeit dien enen. Waer bluve jullie noe

Toen mun bie die mannen kwamme zeit dien enen. Waer bluve jullie noe (dan wel op z'n Rotterdams). Hie had wel doad kanne weze. Noe hammen niet veul gezeit mar wel gedocht. Noe mot je 't niet uut vlakke zo'n rit, in dan zo vroeg... mar jae het was wel te begriepen oor... je mot mar mit un vriend ga visse in dan dienke dat un op 't waeter doad zal bluve, dan dure de minuten uren. Oengdertussen hadde ze op de kante de dokter al geroepe, in die stieng al te wachten op Kaoje.

Hie was er noe niet zo best an toe onze patiënt... hie was geweun van de kaerte mar gelokkig de polsslag was regelmaetig in hie aedemde oak niet slecht, dat gaf moed. Zo hammen un op de draegbaer geleit in de weg terug kon beginne. Oengdertussen was er nog iemand, die oak an 't vissen was bie ge komme, zo dat ik niet hoevende te draegen. Toen 't waeter wat hoager kwam ha zun op de kano geleit in zo der neffen loapend naer de wal gebrocht. Tjoenge tjoenge wat was ik blieje dat we der wazze, in die drie mannen niet minder.

Dun dokter stieng klaer in hie wier in 't Groene Kruusgebouw op taefel geleit om te kieken wat er an de hand was.

Weer begon die andere kaerel te mopperen dat hut zo lang had geduurd... toen docht ik hardop: „Man wat hei joe weinug begrip. Hoe lange dat het duurt om maansen biemekaore te kriegen die deze rit könne ondememe". Jae toen veranderde un wel wat oor. De patiënt kreeg un spuitje van de dokter in nae un half uure was un weer bie in kon mit un auto naer Rotterdam gebrocht worre.

Hie is echter uut m'n gezichtsveld verdwene in ik ha noait méér van z'n gehoard. J. C. H., Dirksland

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen