Wie schrijft er mee van en over Flakkee?

Kiek dat is noe duvenmelke, noe mot er geen maans op mun nikke sprienge van gemêênerik of zo iets, want er gebeure wel aargere diengen in andere sporten. Hut gaet mar om us te late hoaren hoe of dat gieng. Noe wordt er haest ienkel weduwschap gevloge dat is weer un andere truuk. De doffer in de duvinnen zitte apart. De duvinnen vliege niet mee, mar zitte un hêêle weke in un renne, zovaare weg dat de mannen ze niet hoare of zieje. De doffers zitte in de broedhokken in kriege allêên voor dat ze naer de mande motte om op reis te gaen even de vrouwe bie der. Je snapt dat fêêst, mar... van korte duur, 'n kroeltje is ter niet bie. De doffer dienkt, dan maarege mar, as 'k tuus komme in zit zun eige al blieje te maeken in de mande. In vliegt de vlammen uut z'n staert om tuus te kommen, want je kan noait wete wie er bie moe om de kofje gaet.

Dat was un uutêênzetting van de sport as je hut zoo noemen wil - of is hut un hobbie? Ut wier (wordt) zaterdag gespeuld deur de zgn. bond van zaeterdagvliegers. Vroeger 's zaeterdagsmiddugs, want sochtends mos je waarke. Ienkel zaeterdag. De bond van zondagvliegers oak.

Noe bin je dur nog niet. want un duve is zomar geen duve... Nee? Ze motte an veul eisen voldoewe, mun zalle der us êên in de handen neme, zo tussen twêê viengers mit te poatjes, je duum over de rik, in noe kieke mun éérst in de oagen: Zieje de pupil, dat zwarte balletje? Moai, noe even de schaeduw van de vienger voor hut oage houwe, dan oplette, zie je dat zwarte balletje noe groater worre, moai, dat is wat je zoekt, un levendig aoge. Zit er gêên water in? In staet ut in un soort kasje? Jae, dat was je noemt, das prima... Vaarder even in de neuze niepe, geen snot? Juust zo mot ut, dan de bek ope dat ha ze niet graeg, mar 't mot even (zeg maar aa) noe even loere, niet road? Is de kele goed getand in gesplete? Juust. Dan de schedel, die mot stroamliene zijn, moai roend, geen wind tegen houwe, snap je. Dan de rik niet te brééd wel stevig in hard... Un moaie geslote staert, in noe voele oender zun gat (niet vies worre) naer de stuutbééntjes die motte stevig weze in goed tegen mekaore zitte, anders wordt, bie zware vluchten, het tiefte veul naer achtere gedrukt, wat moeilijk vliegt. Noe de vleugels ope, zieje de broek? Die mot niet te lang weze (bie de lange ofstandvliegers wel). Bie de Vitesse (korte ofstand) dan mag de broek wel wat korter weze, net as bie un zwaluw, (snelheid dus). Noe de slagpennen die motte moai mit un boog naer de punt uutlaope oak weer net as bie un zwaluw, dat kajje zieje in de locht as ter êên over komt schere, as un goed gezoengd is zit héél je goed oender hut witte poeier, un soort kristalletje hêêl fien in wat vettig. Mun binne nog niet klaer, noe de duve op zun kop in blaeze tussen zun borstveren, kieke naer zun bloate buuk, die mot schoan weze, géén schobben in un roaie pukkel, das topvurm.

Noe de voorbereidingen voor hut vliegseizoen. Ze motte an un mande wenne, dus of in toe un paer uuren in un mande'zette, ieder apart (die kajje koape, manden mit vakjes). As je geld genog had dan kon je un vluchtmande koape, in ze dan daer in doewe. Doffers in duvinnen niet geliek, dat was nog beter, natuurlijk want daer gaen ze iedere weke in. As ze dan ingekurfd wiere. dan krege ze un gummerienge om der poat in dat nummer wier opgeschreve achter het geweune riengnummer. As alles klaer was moste ze op de manden un loadje doewe om oneerlijkheid te voorkommen. Noe moste ze naer dun tram gebrocht worre. Maar er wazze géén auto's, dus dan mar op de transportfiets, voor op zo'n groate begaosjedraeger, mit un touwe vastgesjort. In één fietste in één of twéé der neffen in douwe tegen de schoere van de fietser. In dan bvb. van Haarken naer Dirksland naer hut station. Dat viel tegen oor, as het hart woei, soms gienge ze wel mit een bakfiets as ter bvb. drie of vier manden wazze... Jae dat was wel wat anders as noe. Noe gaet het mit un groate moaie waegen, in dan rechtstreeks naer de plekke waer ze gelost motte worre. Noe vliege ze sochens, toen niet. Das noe wel beter, dan is hut nog niet zo waarm. Want hut is un inspannend waark voor de duven, weetje wel dat ze, as ze op volle toeren vliege 400 kêêr in un minute asem haele? Mot je us prebere.

Noe nog één dieng, in dan geloaf ik dat ik mar stoppe. Ik zei al dat er in dun ooriog duven oendergedoke zatte, in noe direkt nae dun oorlog wouw iederéén weer beginne natuuriijk... Zo oak un groepje Haarkenezen, noe wennende er un waegenmaeker die kwam uut Zeeuws Vlaenderen, in die gieng ur op uut mit nog drie man, in gienge us kieke an de Belzegrens, daer moste nog duven te koap weze had un vernome. In ja oor ze kwamme mit zo'n 20 duven terug. Bie de 'Jannen' wiere zu in un hok gedaen, in zo kon ieder die wouw (in geld had) un koppel koape. Zo is 't weer begönne. Mar noe nog un mop, un mop die geld heit gekoste, un joenge boerezeune had in Braebant oak wat duven opgedokt, in noe hatten die bie zun schoanvaoder zitte. Die was ter groas op in kwam oak us kieke. Joenge, joenge Jaop zei un, das un moaien roaien... Mar hie hieuw de deure ope, in weg roaien... Die kwam niet terug, die had nog noait buten geweest, weg dus doffer. Mar oak weg driehoenderd gulden. Toen kwam ut uut, waer ik mee gae stoppe: Wie zijn geld wil zien verstuiven, kope tabak en houde duiven.

Dat was noe iets over duven in duvemelkers. Op ieder durp had je welbekende melkers, ze komme voor in alle standen.

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen