Wie schrijf er mee van en over Flakkee?

Even tussendeur­ Veul bakkers hadde vroeger (70 jaer geleje) oak vaarkus om 't ouwe broad op te eten in voor bieverdienste. Noe was ter un boer, daer dienende un goeje kennes van mun moeder bie. In die dee veul kaerne. Dat leste omspoelsel van de tonne noemende ze dan taptemelk. Dat was goed voor de biggen. Soms gieng er wat goeje kaernemelk deur, dan was het nog beter. Noe kwam dien bakker elke middug mit twee emmers an un halsjuk op zun schoeren, om twee emmers melk voor de biggen. Hie had in iedere emmer un moai roend plankje laage voor 't morsen. As het zoo tegen den tied was dat de bakker kwam, most de meid op den uutkiek mit un stok in der hand. Niet omd en bakker op zun boatje te kommen, mar om in de tonne mit taptemelk te roeren, want... ze was mêêr blauw dan wit, zuuvel waeter zat ter in As un dan in de buurt was dan mos ze roere öfter leven der an of hieng. Zoo brocht den tras meer op dan de 'kaerntonne'. Noe mo'k direkt zaage dat dit géén beeld was of is van de BOER oor, nee zo

Noe mo'k direkt zaage dat dit géén beeld was of is van de BOER oor, nee zo IS 't niet. Want moeder heit oak bie un boer gewaarkt. mar die verkocht echte volle melk m kaernemelk waer de dotjes botter nog oplagge. Wat IS hier oak veul veranderieng in gekomme. Noe zie je gêên melkbussen

Wat IS hier oak veul veranderieng in gekomme. Noe zie je gêên melkbussen mêêr an de weg, gêên boer mit 10 of 15 melkkoeien. Nee zo al van de jaeren 60 in laeter zie je gêên ophaelers mêêr. Mar noe alléén grote bedrieven mit un baarg melkvee m melkmusienus. Gêên krukje mêêr, gêên melksters mit un hoaddoek om in un zak as schorte voor In dan un linnen doekje op de bus as zeeve. Ik ha dur nog bie gestaen as kleine joengen (in de vakantie bie un ome van mun), in dan had ik un takje mit blaeren er an, daer joeg ik dan de vliegen mee weg, aores dan sloege ze geregeld mit ter staert in de melkster der gezicht in stienge ze niet stille.

In dien tied had je mêêst zwartboengte koeijen, soms un roaien mar mêêst zwarte mit van die kollosaole uiers. As ze dan naer huus gehaeld wiere, zo as ik in 't begin zei, dan gebeurende ut wel dat de melk ur uut spoot, zo vol zatte die uiers.

Noe zieje veul van dat franse ras, ze binne volgens mien verschrikkeluk lêêluk. Mar allé je mot hut niet aided van 't moaje hao, kiek mar om je heen. Die worre gemest voor 't lekkere maegere vleis. 't Binne net levende vleisfabrieken. Mun kleinzeuntje kwam verleje jaere us mit un fotootje biemun, mit zoo'n franse stier. Geweldig wat un bêêst. Daer kan je beter mar vaare vandaen bluuve, want hie goait je mit één greep over 't haogste hein Tegenwoordig heije al géén stier op stee mêêr noadig. Je gaet naer de 'diepvries koejemaeker' in je kaopt zoo un kalf in wording. Al van un stier die al lange in de soep verdwene is. 't Kan verkere zei Bredero.

In wat dienk je van de paeren? Die zie je niet mêêr voor de waegen of ploege. Mar je ziet oak gêên HIENGSTELAOPERS méér. Dat was un waark waer je de kuierlatten bie noadig had. Hoeveul kilometers ha die niet gelaope mit zoo'n paerefabriek an de line?

Jae je was goed of as je as klein hiengstje op de waereld kwam. Je kreeg het beste voer wat bestieng. Mar owee, as je as twéé jaerig mannetje naer de keuring most voor 't stamboek in je wier ofgekeurd. Dan kon je naer de traevalje in dan kwam Nieuwenhuuze de veearts in die maekende in un half uure un RUUN van je. In kon je 't wel gedag zaage, hut aparte voer m de eiers. Je kon voor de ploege, punt uut..

Dit is niet alléén het geval in de vêéteeld dat er veul is veranderd, oak op 't land, waer zie je nog un kroo aarebeijers bezig?, bijvoorbeeld

MIT PEEN WIEJE PIKKELS PLOKKE AERBEZUMS PLOKKE TAAR'VE SNIEJE IN 'T OENGDERBROEKJE MET DE ZEKEL? AERUPULS DELVE MIT DE RIEK? Waer zie je nog vlas, blauw maenzaed, meekrab, haovere?

Noe zie je maais, tulpen, chigorei (weer terug bie Steehouwer), witloftrekkeriejen, teunisblommen, gladiolen. Vroeger had je op veul durpen un draogerieje voor meekrab in chigorei, dit laeste maekende ze peekofje van. Oenderlesten vroeg un vrouwe an un gezinsverzurgstertje: „Brien us un busje peekofje mee", 't Lieve kind wist niet wat ze bedoelende, in vroeg hut zoo langs t'r neuze weg of ik hut wist. Jae zaag ik, brieng mar un busje buusman mee, dat is wat ze zoekt. Noe gaet Steehouwer géén peekofje maeke dienk ik, want hut is un zusje van 't witlof 't Mot goed opbrienge stieng iii de nieuwe Boerderij.

In die ouwe krante stieng oak zoo'n soort, BRUSSELSLOF bietende dat, dat brocht op in Ouddurp gecontracteerd, franco schip geleverd/ 19,­ de 1000 kg, ik hoop dat ut noe mêêr opbriengt.

Och, och, och, wat za'k nog mêêr schrieve, er is nog zoveul te melden in te vergelieken buuten toen. Toen, toen de aarebeier op ellebogestoom liep in de haevenwaarkers in Rotterdam mit brééje schoeren, knuusten in natte rikken (Arjaen van Zeeland, bedankt), hard waarekende om Nederland naer de top te doen stiegen op veul plekken.

De boeren binne der oak nog niet oor, wat dienkje van nieuwe produkten in gewassen? Er zit toekomst in de boerestand as je 't gat in de mart mar ziejt, in je oud Hollands bloed in je aederen voelt vloeije. Un goeijen Hollander heit zun eige nog noait uut 't veld laete slaen.

Toen zoo'n honderdvuuftig jaer geleje un met aerepuls, 80 mud groote in 20 mud poters in kriel opbracht, in je 75 centen voor un mud kreeg was 't oak niet alles, mar., ze bmne der deur gekomme in noe zie je.de roaiers mit bakken van waegens der neffen deur 't land karre, je ziejt van die geweldige trucks van de aerpelhandelaeren langs de wegen snorre of 't kruujwaegens binne.

Dat had Columbus oak noait kanne dienke, toen die op zoek gieng naer wat nieuws, an de andere kante van die ociaan. In hie voengd langd, werempel er levende nog maansen oak, in anderande vruchten groeiende daer, zo aok de aerepel. Mar ze dochte dat je de bessen most ete. mar daer wiere ze ziek van. Zo hao ze toch de knollen mar opgegete. Hie heit un zootje meegebrocht om te laeten proeve, in zoo is het begönne Midden in de 18e eeuw is het in feite pas goed op gang gekomme. Tussen de mais groeiende un vuulte die van die moaie bessen had, groate vruchten. Hut waere tomaten, toen waerschienlijk nog gele. Zo zie je mar weer, die ontdekkingsreizigers die hao toch nog niet voor niks op pad geweest. Jammer dat ze as soevenier oak maansen mee brochte. Die goeje zielen wiste van de prins gêên kwaed, mar ze stierve as rotten oengderweg, want ze könne die veranderieng van lucht niet verwaarke. Zoo brochte ze oak ziektus mee, dat was weer hut naedéêl. (wordt vervolgd)

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen