Wie schrijft er mee van en over Flakkee?

De keuninginnedag die m'n oak dit jaer gevierd hao dee mun weer zo an vroeger dienke. Dan hadde mun de hele maend augustus fekansje in dan den lesten dag was ut feest. We hadden van van tevoren al versjes geleerd en mit de héle schole op hut plein buuten gerippeteerd!

As ut tan féést was, moste mun s'oches naer schole komme, mit zo veul meugeluk oranje op, sjerpen in oranje strikken in je haer in spelletjes, in dan gienge men achter de meziek naer de Voorstraete toe. Daer stieng burgemeester Visser dan mit het héle personeel in de oranjeverenigieng al geréêd om de aubade in ontvangst te nemen.

Die meziek êe, wat was tot toch leuk! Ik zieje in mun gedachten dat ze deur 't durp an 't marcheren waere. Iedereen kwam dan naer buuten. Eerst kwam Gommert van Ast mit hut vaendel, in Rien de Bonte, Maertje de Roa, Jan Kas in hêêl die ouwe garde der achter. Ik weet zelfs nog dat Bergman dirigent was, der gaet un verhael dat ur bie un repetietsje us iemand un wint liet, in dat Bergman toen zei ik hoare biegeluujen!

As dan de aubade ofgeloape was dan waere der kinderspelletjes, zoas zakloape, in koek happe in nog mêêr. In 's middegs was ter riengrieje, meestal verkleed, erg leuk! 's Aevus gienge mun naer den Haevendiek want daer was ter vuurwerk. Je kan dan tot laete op het gras zitte, want je was netuurluk hardstikke moe zo'n héle dag in de weer geweest! In dan an de andere kante van de haeven wier het vuurwerk ofgeschote, prachtig was dat, dan gienge mun den andere dag weer naer schole, dan kwam je in een nieuwe klasse in had je weer een oare meester of oak wel eens 2 klasse bie één meester! Ik wete wel dat ik tat oak weer fijn vond, wan tin 't leste gieng je je eige toch wel vervele oor!

Je mocht in de fekansje wel us bie een tante gaen logere of us een dagje mee mit pa naer Ouddurp, die brocht ons dan mit al onze vriendinnen, der bie 's oches naer 't strand en kwam ons dan 's middags weer ophaele in dan ree un mit ons deur 't Oosterse bos in deur den Oostdiek terug in daer waere allied reigers in die sloten in dat vonde mun prachtig! Pa had toen un bestelbusje, dus daer könne zat kinders in! De richtienganwiezers mos je mit een touwtje van binnen uut bediene. Ik weet tat un oak nog us van den ouwendiek in een sloat gereje is in dat zun aarm toen uut de komme was! Wat is tat allemaele lange geleje, het mot rond 1930 geweest hao, want ik bin van 1924, mar ik ken oak zo vreeseluk goed onthouwe ee.

Ik houwe noe weer mar op en hope dat bie juule oak weer veul herinnerienge naer boven komme. Veul groeten allemaele in tot de volgende ^^^^' ^^" Annie van Geel­Walraven

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen