�Wie bin ik?"

D'r binne van die maansen, die wete h't allied beter, of niet soms? Die wete precies wat een aore mot doewe of laete, ze wete h't zo te briengen of ze zelf al jaeren de wiesheid gekocht hao in wel zo, dat ze zelf buuten schoten bluuve, 't is zelfs zo, as je ze een koekje van eige deeg geeft, worre ze nog knarrig oak! Mar h't kan oak wel 's goewd bedoeld weze oor. Zo was 'r 's een domenee in Dirksland, die bezurgd was om ean van z'n schaepjes, 't was naemelijk een dorstig schaep. Een kear of wat in de weke kwam hie al ziengend over de Voorstraete voorbie de pastorie z'n stem ietewat onzeker, mar goewd verstaenbaer zong ie: „O hearluke dromen van Lucas Bols en zonen, van bier en brandewien", een aore aevend zong ie weer een aor lied zo van: „De heb van jou vannacht gedroomd, jenevertje, jenevertje...!" De domenee bezurgd, zo as een goeije pastor dat behoart te wezen, docht bie z"ii eige, as ie weer 's voorbie komt mot 'k 'n toch 's anspreke. lang hoefde hie niet te wachten, want h't was haest elke aevend pries, dus... De domenee, z'n wieze hoad schoddend, vroeg: „Zeg beste broeder, van waar zo laat en zo opgewekt?" De dominee wist drommels goewd dat Brammetje uut h't cafee kwam, hie kwam net van Polderman vandaen, taanden de Voorstraete, sindsdien hao d'r al drie aore in geweund, dus 't is al lange geleje oor. Mar de domenee dee net of ie niet wist waer Brammetje z'n zuur verdiende geld brocht. Brammetje keek d'n domenee waeterig an in zei: „Da's voor mien een weet in voor de domenee een raesel". De domenee, niet voor ean gat gevange gieng vaorder. „Kom je soms uit het café?" „Nou wat zeg je daarop?" „'k Zaage mar zo, 'k zaage mar niks, want dat weet d'n domenee beter as ik, dat spreke zuiver is in zwiege goud, alleaene, daer kan joe de kost nie mee verdiene!" De domenee hoarde de kost verdiene in zag z'n kans schoan. „Maar m'n beste broeder, al dat drinken kost veel geld en wat vind je vrouw daarvan?" „Jae, domenee dat za 'k joe 's zaage, m'n vrouwe is al jaeren uut d'n tied in geloaf mien noe mar, as d'n haeven van Dirksland vol jenever zou stae in je kon gratis drienke, dan zou d'r voor Brammetje geen plekje weze!" In al z'n eanvoud had 'ie d'n domenee de mond gesnoerd. Toch had de domenee wel geliek, 't was allean niet bie d'n tied, dat 'ie niet wist dat Brammetje weduwnaer was. Eenzaemheid is een trieste zaek oor, vooral as je ouwer wordt. Toch ken je al knap allean weze of voele mit een huus vol maansen, zeker as man, as je alleane mar dochters heit! 'k Zal j't uutlaage. Nae een dag van waarken, zit je een beetje onderuut gezakt an de graote taefel,

Nae een dag van waarken, zit je een beetje onderuut gezakt an de graote taefel, as ean van je dochters thuus komt uut schoole, de deure vliegt ope in mit een road gezicht van fietsen kiekt ze de kaemer rond in zeit dan „Is f'r geen maans thuus?" Dat maans betekent 'moeder'. Een hortje laeter komt nummer twea thuus uut Meneerse, oak uut schoole, mit een bons kwakt ze d'r tas mit boeken in een hoek van de keuken in roept van vaore „Moe... Moe-oe! is t'r nog wat te drienken? De deure vliegt weer ope, „Wat een doaie boel is 't hier, is t'r gean maans thuus?" Je begnep wel da 'k m'n eige steeds kleiner gieng voele, is t'r geen maans thuus!! „Nee d'r is geen maans thuus", zit je daer geweun an taefel in ze zie je amper. As ze allebeije naer boven verhuusd binne, hoor 'k de deure weer gae, mit hoop in 't harte wachte ik de binnenkomst of, allean die hoop was gauw over, want deze dochter liep zonder ean woord te zaagen naer boven. Laeter mit h't ete vroege ze „Zeit Moe, waer was je vanmiddag? D'r was gean maans thuus!" Langzaem bin 'k overaande gegae, jas an, klompen an in naer buuten, verroest bin ik geen maans? M'n schoeren naer beneden in een gezicht as een oarwurm bin 'k mar wat gae rommele buuten, meschien dat ze me straks misse.

As moeder niet thuus is, is t'r waerschienlek geen maans thuus! Je vraeg je dan ontredderd of „wie bin ik?" toch?

Mar jae, 't is toch wel gezellig oor zo mit mekaore, tenminste as je oak 's een keer wat mag zaage, nadat je eerst je vienger heit opgestoke!

'k Hao een ome gehad, de man leeft nie mear, die zei, „As ik rechter zou weze, gaf ik geen levenslang, mar een huus vol meiden!" Die had dus kennelek oak niks in te briengen.

Mar noe de aore kante van 't verhael, as t'r geen vrouwen warre zou w't een saoie boele weze, dienk je oak niet?

Want we motte earlijk weze, as je 's aevends in je stoel zit, in ze zette dan een bakje koffie of thee voor je op taefel, mit een raombutter koekje in je kiekt schielek over de krante heen, dienk 'k, 'k bin toch mar een bofkonte oor, dan vergeet je toch geweun dat ze een aor staepeltje klearen neergeleid heit as dat je zelf had uutgezocht voor je je eigen gieng wasse, of dat ze steeds zit te muieren over dat overhemde dat niet bie dien broek past, of je heit verkearde sokken angedae, verkearde handdoek gepakt, of gekrumeld mit 't eten in as je aargens naer toe gaet mit z'n beidjes dat je al tien menuuten loapt te wachten omdat ze nog niet klaer binne, in as je dan eindelek op pad bint tegen je 'zaage' nog even terug naer huus te motten omdat ze wat vergete binne, as je dan eindelek op je bestemmieng bint, sprienge ze verschrikt overaande. „De peertjes... de peertjes voor maarge staen nog op 't gas!" Och dat neem je d'r geweun bie, want ze heit 't zo druk mit h't booschappen doewen, soms motte ze wel twea keer, want ze binne an de praet gerocht bie de wienkel, in al praetend mee naer binnen gegae, niks gekocht in loapens naer huus om dan te ontdekken dat ze d'r fiets vergete binne, die staet nog op 't durp! Jae in h't moaiste van dit alles is, je bint d'r van I voll overtuugd dat je de beste vrouwe heit, of niet soms? Groete uut Dirksland J. Wolfert

Groete uut Dirksland J. Wolfert >lfert

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen