Op zun Stellendams gezeid

Beste redaksje.

Mit deze wou ' k even m'n dank uutbrienge voor de möóije resensjes in jules krängte 't Eilanden Nieuws, angaende hut verschienen van m'n boek 'De Stellendamse Visserhaven'. Toendertied is de hêêr Van Rixoort bie mien thuus in Vlaerdiengen un interview of weze neme. Hie heit me wat vraegen gesteld in vaorder heit 'n naer me zitte luustere in antekeniengen op zitte schrieve. Ik mot zage dat Van Rixoort m'n verhael op zien menier hêêl móói heit vertolkt. Wat ik verteld hao, heit 'n op leuke wieze geschreve. In dan nog un möóije foto d'r bie aok. Prachtig! Aok wil 'k m'n dank overbrienge an de

Aok wil 'k m'n dank overbrienge an de fotograof ­ z'n naem is me niet bekend ­ die in Ouddurp un foto heit gemaekt tiejens m'n presentaosje van 't boek. Achter mien staet Aet van Cor van Frangs van Kees van Klaosje, oftewel de vrouwe van Frangs van den Nieuwendijk. Zo, dan hoeve jule je aok niet mêêr of te vraegen 'wie is dat noe?' Aok die fotograof heit 'r un leuk verhael bie gedaen. 't Valt me zo op dat twêê verschillende krangtemaansen êên verhael op tweeërlei monieren kunne uutlage zongder ofbreuk an 't verhael te doewen. Knap hoor, jongens! Ik wier d'r geweun verlege van. An de aore kant mot 'k aok bekenne dat 't

An de aore kant mot 'k aok bekenne dat 't me aok wel goed dee. Ik dienk dat hun resensje 'r aok wel un steentje an bie gedroge heit dat 'r veul boeken verkocht worre. Mit de verkaop loapt 't goed, zo höör 'k wel us. Göêd zo, maansen, laop de deure mar plat bie Akershoek in Ouddurp, zodat 'n misschien wel un twêêde druk mot laete maeke. Ik bin wel wat laete nut m'n bedankje, mar 'k zage mar zo: beter laet dan nöóit. O jao, dit wil 'k nog even kwiet. Die krangtelui hao 't steeds over die Vlaerdienger ­ dit is gêên verwiet hoor ­ mar 'k wou ur toch op wieze da 'k un Stellendammer (gomaetskoppe) bin in gêên laerdienger (haeringkop)!

De groêitjes van un Stellendanmner die in Vlaerdiengen weunt,

Merien Lokker

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen