De thuuskearke...

Je heit ur niejt veel voor noeodeg. Eigeluk allieene mar un teeleviezi. In je heit je eige thuuskearke. Want mit de ofstandsbedining kan je uut un gemakkelukke stoel de teeleviezi anzette. Ja let wel! 't is voor de zondagochtend eigeluk toch wel earg vroeg om acht uure RTL vuuve in te schaekelen. In je bint dan verbonge mit Hour of Power van Jan van dun Bosch die van uut de Crystal Cathedral in Caliornia un kearkdienst wieer in doomeni Robert.H. Schuller voorgóót uutzendt. Zoeo kan je thuus un echte Amerikaanse kearkdienst meemaeke, hieel toegankeluk voor iederieen.

In Nederland kieke ur weekeluks zeeker z'oeon 200.000 meansen naer deeze dienst.Mar oak op Nederland twiee kan je terechte,bie de EO "Nederland ziengt' wieer doomeni Arie van der Veer bie meansen thuus op bezoek góót in un meeditaosie houd. Tussendeur is ur oak veel koorzang van Geestelukke liederen. Doomeni van dur Veer is un waerme persoonlukheid die hieel persoonluk de meansen benaedert.Je weet dat hie niejt zoeo mar iets zeit.

'k Weet dat ur meansen binne die ieerst naer Hour of Pouwer in dan naer Nederland ziengt kieke .Dan binne dur oak nog die de voorkeur angeve om om negen uure op SBS zesse naer un uutzendieng van David Maasbach te kieken, dus wat wil je, keuze genoeg op de zondagochtend. Om dan nog mar niejt te spreeken oover degeenen die un seen hewe.trouwens voor veel ouwere in zieke meansen is dit wel un uutkomst om thuus naer je eige kearke te kunne luustere twiee kóór op zondag. De thuuskearke is un uutkomst voor zieke in ouwere die an huus èbonge binne. Want hut zou toch vurschrikkeluk weeze om op zondag un aore naer de kearke te zieje góón in joe mot noeodgedwonge thuus bluuve. Wat un vooruutgang dat ur kearkdiensten op de teeleviezi uut èzonge woore.Ur kan un onnorme bemoewdigieng van z'oeon dienst uutgóó in wie weet wat dat laeter soms nog voor uutwearking kan hewe op iemund. 'k Weet van meansen dat hut voor heurhe gieen zondag is wannieer ze niejt naer ieen of twiee van die uutzendiengen èkeeke hewwe,al stóó ze dan bie gieen ieene kearke inèschreeve.Nutuurluk heit elk voordieel oak zun naedieeüHut binne niejt allieene zieke in ouwere die an huus èbonge binne die voor de thuuskearke kiezelHut heedendaegse indiuvalisme maekt dat ur mieer meansen dur eige ofzondere van de gemieenschap.We binne un deezen tied makkeluker èwoor, in wat is ur makkeluker dan geweun thuus bluuve Hoe blieje je oak kan weeze mit de teeleviezi-diensten,

As iederieen góót kieze voor de thuuskearke,kunne ze de kearken wel opdoeke. Hut is toch un pracht gezicht om op zondag de meansen naer de kearke te zieje góó. Un dieel op de fiets of loapend in die vaorder weig weune komme mit de auto in brienge soms oak wel ouwere meansen mee. Bie veel kearken kunne zelfs de ouwere gebruukmaeke van de kearkaouto. Zoeodoende binne dur nog wel meansen van negentug ,die nog steeds de gemieenschap in de kearke zoeke,Saeme zienge,bidde in naer de preek luustere.

Want in je eige vurtrouwde keareke iedere zondag saeme komme heid toch wel iets want ur stóót niet voor niks "Kom ga met ons en doe als wij.. ."Hut geeft waermte in ontmoewting.Wat je bie de thuuskearke toch uuteindeluk mot misse.

Melessant voorjaer 2012 De groewten van Job van Klaos van Job Padmos & Gerda van Koos van Gurp

Deze tekst is geautomatiseerd gemaakt en kan nog fouten bevatten. Digibron werkt voortdurend aan correctie. Klik voor het origineel door naar de pdf. Voor opmerkingen, vragen, informatie: contact.

Op Digibron -en alle daarin opgenomen content- is het databankrecht van toepassing. Gebruiksvoorwaarden. Data protection law applies to Digibron and the content of this database. Terms of use.

Printen